بين الجبر والاختيار
التساؤل ؟!!
بداية من ما انتهينا منه في المقال السابق .... من التساؤل .. هل النجاح والفشل نسبيان ؟ .. هل يختلف مقياسهما بناءاً على التقديرات الشخصية لكل منا، مثل أن تقييمك لنتيجة شيء ما أو حدث ما أو خطة ما يكون ناجحاً ويراه الآخر فشل .. والعكس صحيح، أرى أن هذا السؤال له علاقة وثيقة بقضية الجبر والاختيار وحضورها الطاغي في رحلتنا في الحياة، هل أنا كنت مجبراً على هذه النتيجة وتحمل عواقبها سواء كانت حلوه تستثير التفاؤل للمواصله أو مرة تستجلب التشاؤم والامتعاض وخيبة الرجاء !!
إذا كنا نتمتع بكامل حرية الاختيار .. ومسيطرين على جميع
أمور حياتنا .. إن كان كذلك فمن سبب فشل عمل ما مر علينا في حياتنا لطالما أردنا
له النجاح والاستمرار والنمو بالحرص عليه والمراعاة له وبذل الجهد في سبيله !!
وإذا كنا حُرمنا من المسئولية "الاختيار"
وصفتنا هي الجبر والتصيير .. فمن أين الشعور بالندم ؟!! ولماذا نشعر بالمسئولية.
ونشعر بالتقصير إذا فشل عمل وبالامتنان والسعادة والثقة إذا نجح ؟
مخطط رحلة حياتنا
......... من واضعه ؟؟!
كلامك مظبوط ...بس الاهم أن الانسان خلال رحلة بحثه عن إجابة لسؤال من واضع مخطط رحلة حياتنا لايطير منه الوقت ويضيع هباء ويكتشف نفسه أن وصل للاجابة التى أصبحت بلاقيمة تذكر لان الوقت ضاع وفات وأصبح الندم على اللبن المسكوب هو عنوان الحياة وماأقساه شعور ...
ردحذفصحيح جداً يا استاذه لبنى .. كلام منطقي وعملي فعلاً .. لكن خلينا نتمسك بالأمل للناس اللي ضيعت حياتها في محاولة الوصول على اجابة ذلك السؤال ونقولهم .. أن الآوان لا يفوت ابداً :)
حذفمخطط رحلة حياتنا... من واضعه؟؟؟ فعلا سؤال وجيه ومهم جدا...
ردحذفياريت تقولي لما توصل للاجابة بجد... ساعات بحس ان القرار في ايدي انا... وساعات اكتر بحس ان مش بايدي اي حاجة وان اللي حواليا هما اللي بيفرضوا عليا ظروف تخليني اخد القرار دا..
تعرف... انا لحد ما اتجوزت كنت بشوف ان القرارات في ايدي انا وبس.. حتى لما كان بابا وماما بيساعدوني فيها كانوا بيسيبوني انا اللي اخد القرار في الاخر برده...
بس بعد ما اتجوزت.. بقت معظم قراراتي باخدها بناء على الظروف المحيطة بيا وبس... يعني بقيت ممكن اخد قرارات انا مش عاوزاها وعاوزة غيرها.. بس غصب عني... نزولا على رغبة من حولي...
يالا بقا العوض على الله... المهم انت قلبت عليا مواجع القرارات اهو... بس مقال بجد جمييييييل جدا.. ربنا يوفقك
ربنا يا رب يخليكي يا استاذه هبة ميرسي لذوقك .. ويوفقك يا رب
حذفانا شخصياً ممكن اوصل للإجابة .. لكن الاجابة اللي وصلتلها ممكن متقنعكيش :) .. الجبر والاختيار من اكتر المسائل اللي اختلف فيها علماء الدين والمفكرين .
كتير قالوا بالاختلاط بين الجبر والاختيار وده اراه الاصح
وكتير قالوا بالاختيار ودول عددهم اظنه كبير جداااااااا .. ونوعية من يقتنعوا بهذا المبدأ في البلاد الغربية .. وبيحصلهم صدمات كتيرة نتيجة قناعتهم دي
أما عن الزواج بقا .. فتجربة بحد ذاتها مثيرة جداً للسؤال الاخير من المقال .. بس انا شايف انه اختيار الزوج بيكون بنسبة كبيرة في الاصل بإيدك انتي .. وأكيد لو حضرتك تفتكري مقالي الاول والثاني .. هتلاقيه يتكلم عن الطقس في رحلتنا في الحياة اللي بيأثر علينا .. زي مثلا الظروف .. الناس المحيطين .. ده شيء لا يمكن ننكره .. ولا يمكن ننكر تأثيره .. والذكاء اننا نختار الأنسب والأيسر طالما مش محرم
زي ما كان بيعمل معلم البشر سيدنا محمد صلى الله عليه وآله
وصدقيني .. من حولك .. ملهمش الحق اللي انتي متخيلاه في حياتك .. اذا كنتي مش بتعملي حاجة عن حب واقتناع والقرار أهم شيء يكون صائب .. فبلاش طبعاً !!!
الوالد والوالدة لما يغصبوا ابنهم على شيء وهو ميكنش عاوزه مثلاً ويكون ده لمصلحته لو اعترض هنا فهو مش صح اكيد .. لكن طالما بلغتي خلاص سن الرشاد وبقيتي تتمتعي بمسئولية الاختيار اكثر .. فعقليها وتوكلي :) .. وآسف للإطالة
على فكرة... انا كان قصدي اني قبل الزواج كان قراري في ايدي اكتر... ونا بالفعل اللي اخدت قرار زواجي بنفسي واخترت زوجي بنفسي والحمد لله... ولم اتأثر بقرارات من حولي وقتها لان ابي وامي تركو ليا القرار بعد أن اوضحوا رايهم (واللي الحمد لله كان في صالح العريس... هههههههههههه))..
ردحذفبس فعلا انا بعد الزواج ساعات ببقا عاوزة اخد قرارات كتير اوي واحس انها ممكن تتعارض مع رغبات من حولي... خصوصا زوجي... وفي النهاية مابتقتش اخد قرار بالفعل اللا لما ارجعله هو الاول.. وساعات بغير القرار عشان خاطره بالفعل.. كتيييييييير طبعا... وساعات بييوافقني وبقدر فعلا احقق قراري دا...
هل مثلاً لما قرار مبتعرفيش تاخديه بتحاولي تفهمي ليه زوجك او من حولك بيعارضوه ؟؟؟
حذفوالله هو بيبقا ليه اسبابه... وساعات كتير بيتصرف من منطلق خوفه عليا برده... وانا في الاخر برده متعودة اني اسمع الكلام... مطيعة انا اوي اصلا... ههههههههههههههههه....
ردحذفبس ان جيت للحق... عمري ما فكرت او حاولت افهم ليه بيعارضو القرار دا.؟؟ تصدق انت لفت نظري للموضوع دا....
عارفه يا استاذه هبة .. لو فهمنا النوايا اللي بتدفع الناس يتصرفوا ناحيتنا تصرفات نكرهها .. كانت احوالنا هتختلف كتيرررر
ردحذفالمشكلة اللي حضرتك بتقولي عليها دي مشكلة "تواصل" من الطراز الأمثل .. هيساعدك انك تفهمي النية اللي مثلا على سبيل المثال زوجك بيمنع بيها قرار بتاخديه :)
إيه صورة الضباب والجسر اللي نهايته مش باينة والجو القديم ده ياض؟؟
ردحذفبس المدونة بقى شكلها حلو.. :) :)
أما عن رأيي في موضوع التدوينة، فإنت عارفه.. بس زي بعضه أقوله وأمري لله..
من روعة الكون.. أن كل شيء يحدث في آن..
..
بمعنى ايه كل شيء يحدث في آن يا بابا :) ؟
حذف